Qazaqstan aýyr atletteri 2016 jylǵy Olımpıada oıyndaryna beriletin joldamalardyń tolyq jıyntyǵyn jeńip almaq
ASTANA. QazAqparat - Qazaqstan aýyr atletteri 2016 jylǵy Olımpıada oıyndaryna beriletin joldamalardyń tolyq jıyntyǵyn jeńip alýdy josparlaýda. Bul týraly QazAqparat tilshisine bergen suhbatynda QR Aýyr atletıka federatsııasynyń prezıdenti Janat Túsipbekov málim etti.
«Bıylǵy jyl otandyq atletter úshin 2016 jyly ótetin Rıo-de-Janeıro Olımpıadasyna daıyndyq turǵysynda sheshýshi jyl bolady dep esepteımin. Negizig týrnır - qarasha aıynda Hıýstonda (AQSh) ótetin aýyr atletıkadan álem chempıonaty. AQSh-ta biz Brazılııada bolatyn Olımpıada oıyndaryna beriletin joldamalardyń tolyq jıyntyǵyn - 6 er jáne 4 qyzdar joldamasyn jeńip alýdy josparlaýdamyz», - dep atap ótti ol.
Onyń aıtýynsha, bunyń aldynda ótken barlyq Olımpıadalarda bizdiń qurama mundaı jetistikke jetip kórgen emes. Janat Túsipbekovtiń atap kórsetkenindeı, joldamalardyń tolyq jıyntyǵyn alý arqyly Olımpıadadaǵy medaldarǵa degen úmit molaıa túspek.
