Qazaqstan aýyr atletıka tarıhyn jazyp jatyr - Tamash Aıan
ALMATY. QazAqparat - Qazaqstan álemdik sport arenasynda úzdik nátıje kórsetip, aýyr atletıka tarıhyn jazyp jatyr. Bul týraly Almatyda ótip jatqan álem chempıonatynda Halyqaralyq aýyr atletıka Federatsııasynyń prezıdenti Tamash Aıan aıtty.
«Qazaqstan aýyr atletıkanyń tarıhyn jazyp jatyr. Sońǵy úsh kúnde biz atqarý komıtetimen kezdesip, halyqaralyq aýyr atletıka federatsııasynyń logotıpin ózgerti týraly sheshimge keldik. Qazaqstanda eń alǵash aýyr atletıkaǵa arnalǵan fılm kórsetildi. Týyndyny kásibı sheberler jastardy sportqa tartý maqsatymen túsirgen.
Qazaqstannyń bıligi atalǵan sport túrinen daıyndyq zaldaryn salyp, aýyr atletıka akademııasyn ashýdy josparlap otyr», - dedi Tamash Aıan.
Federatsııa basshysy Qazaqstan sportshylarynyń álemdik sport arenasynda úzdik nátıje kórsetip jatqanyn atap ótti.
«Qazaqstanda men ózimdi óz úıimde júrgendeı sezinemin. Munda aýyr atletıkaǵa úlken mán beriledi. London Olımpıadasynda Qazaqstan qorjynyna túsken 4 altyn medal eldiń aýyr atletıkany damytýǵa bar kúshin salatynynan habardar etedi», - dedi T.Aıan.
