Qazaqstan aýyr atletıka boıynsha RF Prezıdenti Kýbogynda 2-shi oryndy enshiledi
ASTANA. QazAqparat - Groznyıda 5-shi halyqaralyq RF Prezıdentiniń Kýbogy básekesi aıaqtaldy. Týrnır qorytyndysy boıynsha qazaqstandyq qurama qanjyǵasynda 5 medal jáne komandalyq esepte 2-orynǵa jaıǵasty.
Birinshi orynda týrnır ıesi - Reseı quramasy, kóshbasshylar úshtigin AQSh komandasy túıindedi.
QR Aýyr atletıka federatsııasy 205 kelige deıin sanatta bizdiń eki dúrkin olımpıada chempıony Ilıa Ilınge teń keletin eshkim bolmaǵanyn habarlady. Ol altyn ıelenip, eki álemdik rekordty (serpe kóterý jáne qos saıys nátıjesinde) jańartty. 2015 jylǵy álem chempıony Aleksandr Zaıchıkov ekinshi oryn aldy.
94 kelige deıingi sanatta Qazaqstannan tórt sportshy úzdik ataǵyna talasty.
Salmaǵy 394 (175 +219) keli ziltemirdi kóterip, eki jattyǵý jıyntyǵynda kúmis medaldy Denıs Ulanov aldy. 397 (178+219) keli nátıjemen reseılik Adam Malıgov birinshi oryn aldy. Eki dúrkin álem chempıony Ilıa Ilınniń tárbıelenýshisi - Rýstem Sybaı 378 (166+212) kelimen tórtinshi oryndy ıelendi. Qazaqstannan eki sportshy - Ermek Ómirtaı (350) men Semen Lınder (312) 9-shy tıisinshe 12-shi orynǵa jaıǵasty.
