Qazaqstan aýyl sharýashylyǵyn damytý úshin Kerns tobyna qosylýy múmkin
"Biz jańa sýbsıdııalaý tártibin ázirleýde Kerns tobynyń tájirıbesin negizge aldyq. Jalpy, Eýropa boıynsha qaıta óńdeý baǵytynda problemalar bar ekeni jasyryn emes. Ol jaqta keıbir elderde tipti fermerler egin epkesin dep nemese mal basyn ósirmesin dep qarajat beredi. Kerns tobynyń elderi kerisinshe, basqa maqsatty kózdeıdi. Olar óndiris kólemin arttyrýǵa, aýyl sharýashylyǵy salasynda eńbek ónimdiligin arttyrýǵa basymdyq beredi. Bizdiń de kózdegenimiz osy. Sondyqtan bul tájirıbe biz úshin mańyzdy", - dedi A.Mamytbekov. Bul odaqqa Qazaqstan da qosylýy múmkin. Elimizdiń aýyl sharýashylyǵy mınıstrligi bul məseleni egjeı-tegjeıli zerttep jatyr. "Qazir biz Qazaqstannyń osy Kerns tobyna qosylý múmkindigin qarastyryp jatyrmyz. Qazir bul toptyń quramynda 20 memleket bar. Eki-úsh jyl buryn ǵana Vetnam qosyldy. Qazirgi ýaqytta Kerns tobyna kirý rásimin zerttep jatyrmyz, osydan keıin qashan jáne qalaı qosylatynymyz belgili bolady", - degen mınıstr Ýkraına da osy máseleni qarastyryp jatqanyn atap ótti.