Qazaqstan aýyl sharýashylyǵyn damytý úshin keń aýqymdy sharalardy qolǵa aldy - Germanııa basylymy

BERLIN. QazAqparat - Qazaqstan - Germanııa úshin Ortalyq Azııadaǵy mańyzdy seriktes. Aýyl sharýashylyǵyn damytý jáne aýylsharýashylyǵynyń mol áleýetin tıimdirek paıdalaný úshin Qazaqstan keń aýqymdy sharalardy qolǵa alǵan.

Germanııanyń Federaldyq aýyl sharýashylyǵy mınıstrliginiń parlamenttegi stats-hatshysy  Peter Blezer ǵylymı-óndiristik jýrnalǵa álemdik ǵylymnyń jetistikteri men Top agrar agroónerkásiptik keshenniń tájirıbeleri jóninde bergen suhbatynda osylaı málim etti.

«Federaldyq aýyl sharýashylyǵy mınıstrligi Qazaqstanmen yntymaqtasýda» degen taqyryppen berilgen maqalada Peter Blezer QR Aýyl sharýashylyǵy mınıstrligi men saıası kelissózder júrgizetini jáne Qazaqstandaǵy Nemis agrarlyq ortalyǵy (DAZ) uıymdastyrǵan sharalarǵa qatysatyndyǵy atap ótilgen.

Qazirgi tańda Germanııanyń Aýyl sharýashylyǵy mınıstrligi Qazaqstanda eki iri jobamen aınalysýda. Birinshisi Qazaqstandaǵy Nemis agrarlyq ortalyǵy, ol aýyl sharýashylyǵy óndirisin turaqty ári tıimdi damytý úshin tájirıbelik bilim berýge baǵyttalǵan.

Ekinshi joba nemis-qazaq Agrarlyq-saıası dıalog, ol eki eldiń aýyl sharýashylyǵy salalarynda saıası jáne ekonomıkalyq yntymaqtastyqty qamtamasyz etedi.