Qazaqstan aýsylǵa baılanysty Reseıden et jetkizýge shekteý qoıdy
«Halyqaralyq epızootııalyq bıýronyń resmı notıfıkatsııasy boıynsha Reseı Federatsııasy Vladımır oblysynyń Vyshmanovo aýyly aýmaǵynda aýsyl aýrýy tirkelgen. Bul jaǵdaıdy eskere otyryp, Qazaqstan Respýblıkasy Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti búginnen bastap Reseı Federatsııasynan Qazaqstan Respýblıkasyna birqatar taýarlar kirgizýine ýaqytsha shekteýler engizýdi jón sanady», - dedi ol.
Bul taýarlarǵa - aýsylǵa beıim janýarlardy, sıyr etin, shoshqa etin, qoı etin, sút jáne sút ónimderin, aýsylǵa beıim janýarlardy soıýdan alynǵan taǵamǵa qoldanylmaıtyn shıkizattar men buıymdaryn, aýsylǵa beıim maldardy ustaýǵa, soıýǵa jáne óńdeýge qoldanylǵan jabdyqtaryn, janýarlarǵa arnalǵan azyqtar men azyqtyq qospalar kiredi.
Aýyl sharýashylyǵy Reseıdiń memlekettik organdarynan RF aýmaǵynda aýsyl dertiniń taralýyna qatysty tolyq málimetti suratyp otyr.
«Biz «Rosselxoznadzor» tarapyna xat joldadyq. Aýsyl dertiniń qaıta shyǵýyna baılanysty aqparattar surattyq. Biz Qazaqstanǵa aýsyldy ótkizbeý úshin reseılik sheneýniktermen tyǵyz jumys jasaıtyn bolamyz», - dedi vıtse-mınıstr.