Qazaqstan aýrýhanalarynda tumaýdan 381 adam emdeldi - QR DSÁDM
«11 aqpandaǵy aqparatqa sáıkes, tumaýdan 381, JRVI-dan 15 myń 893 patsıent emdeldi. Qazirgi tańda aýrýhanalarda «Tumaý» dıagnozymen 378 adam emdelýde. Syrqattanǵan adamdardyń jaǵdaıy turaqty dep baǵalanyp, olar QR Densaýlyq saqtaý jáne áleýmettik damý mınıstrliginiń baqylaýyna alyndy. Qazaqstannyń medıtsınalyq uıymdary qajetti dári-dármekter, jabdyqtar, vırýsqa qarsy dárilerdiń kemimeıtin qory men zalalsyzdandyrý quraldary, sondaı-aq, jeke qorǵaný quraldarynyń (respıratorlar, betperde) artyq qorymen qamtamasyz etilgen. Respýblıkanyń 19 juqpaly aýrýlar emhanasynda aýrýlarǵa medıtsınalyq kómek kórsetý maqsatynda 6277 aýrýhana tósegi qarastyrylǵan», - delingen QR DSÁDM málimetinde.
Sonymen birge, respýblıkanyń barlyq aımaqtarynda JRVI men tumaýdy erte kezeńde anyqtaý maqsatynda aýlalyq tekserýler uıymdastyryldy. Jedel medıtsınalyq kómektiń qosymsha brıgadalary qurylyp, emhanalarda qosymsha telefon jelileri uıymdastyryldy. QR DSÁDM mamandary aýrýdyń deńgeıine kúndelikti baqylaý júrgizip otyr.
Vedomstvo málimetinshe, Qazaqstanda aýrýdyń aldyn alý maqsatynda epıdemıologııalyq maýsym bastalmaı turyp tumaýǵa qarsy vaktsınalaý júrgiziletinin atap aıtý kerek. 2015 jylǵy qazan men qarasha aılarynyń aralyǵynda 1 mln. 700 myń adam, onyń ishinde jalpy respýblıka turǵyndarynyń 10%-yn quraıtyn osal top ókilderi (sozylmaly ókpe, júrek-qantamyrlyq aýrýlarymen syrqattanǵan, ımmýnıtet tapshylyǵy bar, álsiz jáne jıi aýyratyn balalar, medıtsınalyq qyzmetkerler, júkti áıelder jáne t.b.) egildi.
QR UEM Tutynýshylar quqyǵyn qorǵaý komıtetiniń málimeti boıynsha, 11 aqpandaǵy aqparatqa sáıkes, epıdemıologııalyq maýsymnyń basynan bastap (2015 jyldyń 1 qazanynan) tumaýdyń 1063 zerthanalyq dáleldengen jaǵdaıy men 386 myńnan astam JRVI tirkelgen. Jalpy alǵanda, elimizde JRVI jáne tumaýmen syrqattaný uıǵaryndy kórsetkishten asqan joq.