Qazaqstan aýmaǵynyń jartysynan astamynda qar jatyr

ASTANA. QazAqparat - Óńirlerdegi yqtımal sý tasqyny jaǵdaıyn baǵalaý úshin Qazaqstannyń qar jamylǵysynyń kartasy paıdalanylady. Kartany «Qazgıdromet» RMK jedel ǵarysh monıtorıngi derekterine súıene otyryp jasaıdy, dep habarlaıdy QazAqparat.

Kartany jasaý kezinde Qazgıdromet qar jamylǵysynyń aýdanyn aımaqtyń jalpy aýmaǵynyń paıyzymen baǵalaıdy.

Bul qardyń qaı jerde belsendi erip jatqanyn baǵalaýǵa jáne erigen sýynan eldi mekenderdi sý basý qaýpin anyqtaýǵa múmkindik beredi.

Sonymen qatar, kartada kórsetilgen ózen basseınderi men iri sý qoımalarynyń sý jiberý alańdary ózenderdegi sý shyǵynynyń ulǵaıý protsesteri qaı jerde jáne qashan bastalatynyn jáne olar arqyly erigen qar sýynyń úlken aǵyny qaýpi qaıda tómendegenin baǵalaýǵa múmkindik beredi.

Máselen, 2023 jylǵy 8 naýryzdaǵy málimet boıynsha Mańǵystaý, Qyzylorda, Atyraý oblystarynda qar joq.

Túrkistan, Jambyl oblystaryndaǵy shaǵyn taýly aımaqtarda qar joq deýge bolady.

Almaty, Jetisý, Batys Qazaqstan jáne Aqtóbe oblystarynda qar belsendi erip jatyr.

Aqtóbe oblysyndaǵy Saǵyz jáne Embi ózenderiniń basseınderinde qardyń erýi Atyraý oblysyndaǵy osy ózenderde sý shyǵyny ulǵaıa bastaıtynyn bildiredi.