Qazaqstan aýmaǵynyń keı jerlerinde tuman túsýi, kóktaıǵaq bolýy kútiledi - 25 aqpandaǵy aýa raıy boljamy
ASTANA. QazAqparat - Qazaqstannyń batysy, soltústik-batysy jáne ońtústik-batysy burynǵysha antıtsıklon yqpalynda bolýymen kún ashyq bolady, respýblıkanyń qalǵan aýmaǵynda atmosferalyq aǵyndardyń ótýimen keı jerlerde tuman túsip, burqasyn kóteriledi, jel kúsheıedi, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Qazaqstan aýmaǵynyń keı jerlerinde tuman túsýi, kóktaıǵaq bolýy kútiledi.
Aqmola oblysynda keı jerlerde tuman túsedi, jel 15-20 m/s-qa deıin kúsheıip, jaıaý borasyn soǵady. Almaty, Ońtústik Qazaqstan oblystarynda keı jerlerde tuman túsedi, kóktaıǵaq bolady, jeldiń kúshi 15-20 m/s. Jambyl olysynda keı jerlerde tuman túsedi, jeldiń ekpini 15-20 m/s. Qyzylorda oblysynda keı jerlerde jel 15-20 m/s-qa deıin kúsheıedi. Mańǵystaý, Atyraý, Batys Qazaqstan, Aqtóbe, Qostanaı, Qaraǵandy oblystarynda tuman túsedi. Soltústik Qazaqstan oblysynda keı jerlerde tuman túsedi, túnde jeldiń kúshi 15-20 m/s-qa deıin jetedi. Pavlodar, Shyǵys Qazaqstan oblystarynda keı jerlerde jeldiń kúshi 15-22 m/s-qa deıin jetip, burqasyndatady.
Taıaýdaǵy táýlikterde Syrdarııa, Shý ózenderinde muzdyń qatýy álsirep, sý deńgeıiniń qubylýy baıqpalady.
