Qazaqstan aýmaǵynyń basym bóligine tsıklon yqpal etedi - 27 sáýirdegi aýa raıy boljamy
ASTANA. 26 sáýir. QazAqparat - 27 sáýirde Qazaqstan aýmaǵynyń basym bóligine tsıklon jáne onymen baılanysty atmosferalyq aǵyndar yqpal etedi, sonyń áserinen aýa raıynyń turaqsyzdyǵy kútilýde - jańbyr jaýyp, keı jerlerde nóserletýi, jeldiń kúsheıýi, keıbir jerlerde naızaǵaı oınap, tuman túsýi múmkin, dep habarlady TJM baspasóz qyzmeti Qazgıdrometke silteme jasap.
Mańǵystaý, Qaraǵandy, Pavlodar, kúndiz Batys Qazaqstan, Aqmola oblystarynda jeldiń 15-20 m/s-ke deıin kúsheıýi kútilýde.
Jambyl, Ońtústik Qazaqstan, Qyzylorda oblystarynda keı jerlerde naızaǵaı oınap, jeldiń ekpini 15-23 m/s-ke deıin kúsheıedi.
Atyraý oblysynda keı jerlerde naızaǵaı oınap, shańdy daýyl turady, jeldiń kúshi 17-22 m/s.
Almaty oblysynda keı jerlerde naızaǵaı oınap, túnde jel 15-20 m/s-ke deıin kúsheıedi.
Shyǵys Qazaqstan oblysynda keı jerlerde naızaǵaı oınaıdy, kúndiz jeldiń ekpini 15-20 metrge deıin kúsheıedi.
Aqtóbe oblysynda túnde jáne tańerteń keı jerlerde tuman túsedi, kúndiz jeldiń ekpini 18 m/s shamasynda bolady.
Qostanaı oblysynda keı jerlerde jeldiń ekpini 15-20 m/s bolady, túnde tuman túsedi.
Soltústik Qazaqstan oblysynda keı jerlerde tuman túsýi kútiledi, jeldiń ekpini - 15-20 m/s.
Taıaýdaǵy táýlikterde aýa temperatýrasynyń kúrt kóterilip, qardyń shuǵyl erýine jáne jańbyrǵa baılanysty Shyǵys Qazaqstan oblysynyń kóptegen ózenderinde (Buqtarma, Ob, Úlbi, Aqózen, t.b.) sý deńgeıiniń odan ári kóterilýi kútiledi, ózender kemerinen asyp, sý jaıylýy jáne keıbir jerlerdi basýy múmkin.
Pavlodar oblysy sheginde Ertis ózeninde Shúlbi sý qoımasynan sýdyń mol kelýinen ózen deńgeıi kóterilýi jalǵasady.
Respýblıkanyń ońtústigindegi jáne ońtústik-shyǵysyndaǵy taý betkeıindegi ózenderde sý deńgeıi ulǵaıýy, keıbir ózenderde tasqyn bolýy múmkin.
Jaıyq ózeninde, SQO sheginde Esil ózeninde tasqynnyń óristeýi jalǵasady.
