Qazaqstan aýmaǵynyń basym bóliginde jaýyn-shashyndy bolyp, jel kúsheıedi, tuman túsedi
ASTANA. QazAqparat - Qazaqstan aýmaǵynyń basym bóliginde atmosferalyq frontaldyq aǵyndardyń ótýimen burynǵysha jaýyn-shashyn (kóbine jańbyr) jaýyp, jel kúsheıedi, tuman túsedi, respýblıkanyń soltústik-batysynda kóktaıǵaq bolady, eldiń batysy men ońtústiginde ǵana kún raıynyń ashyq bolýy kútiledi, dep habarlady Tótenshe jaǵdaılar komıteti «Qazgıdrometke» silteme jasap.
Aqmola, Soltústik Qazaqstan, Pavlodar, Shyǵys Qazaqstan, túnde jáne tańerteń Ońtústik Qazaqstan, kúndiz Mańǵystaý oblystarynda keı jerlerde jeldiń ekpini 15-20 m/s-qa jetedi, Ońtústik Qazaqstan, Soltústik Qazaqstan, Shyǵys Qazaqstan oblystarynda keı jerlerde tuman túsedi.
Qostanaı oblysynda túnde jáne tańerteń keı jerlerde tuman túsedi, shamaly kóktaıǵaq bolady.
Jambyl, túnde jáne tańerteń Qaraǵandy oblystarynda keı jerlerde tuman túsedi.
Qyzylorda, Ońtústik Qazaqstan, Jambyl, Batys Qazaqstan, Aqtóbe, Qaraǵandy, Qostanaı oblystarynyń keı jerlerinde joǵary órt qaýpi saqtalady.
