Qazaqstan aýmaǵynyń basym bóliginde jaýyn-shashyn jaýyp, jel kúsheıedi, tuman túsedi, kóktaıǵaq bolady
ASTANA. QazAqparat - Qazaqstan aýmaǵynyń basym bóliginde atmosferalyq frontaldyq aǵyndardyń ótýimen keı jerlerde jaýyn-shashyn (kóbine jańbyr) jaýyp, jel kúsheıedi, tuman túsedi, kóktaıǵaq bolady, respýblıkanyń ortalyǵy men shyǵysynda ǵana kún raıy ashyq bolady, dep habarlady Tótenshe jaǵdaılar komıteti «Qazgıdrometke» silteme jasap.
Soltústik Qazaqstan, Jambyl, túnde jáne tańerteń Qostanaı oblystarynda keı jerlerde tuman túsedi, kóktaıǵaq bolady, Soltústik Qazaqstan oblysynda jeldiń ekpini 15-20 m/s-qa deıin kúsheıedi.
Batys Qazaqstan, Ońtústik Qazaqstan oblystarynda keı jerlerde jel 15-20 m/s-qa deıin kúsheıedi. Almaty, Qaraǵandy, túnde jáne kúndiz Aqmola, Shyǵys Qazaqstan oblystarynda keı jerlerde tuman túsedi.
16 qazanda Jambyl, Almaty oblystarynda keı jerlerde jaýyn-shashyndy bolyp, jańbyrdyń sońy jabysqaq qarǵa aınalady. Aýanyń temperatýrasy túnde 2-7 gradýs jylylyqqa deıin tómendep, keı jerlerde 3 gradýsqa deıin sýytady, keı jerlerde 16 gradýs jyly bolady.
