Qazaqstan aýmaǵynyń basym bóliginde ystyq aýa raıy saqtalady

«Qazgıdromet» RMK-niń habarlaýynsha, eldiń soltústiginde ǵana atmosferalyq aǵyndardyń ótýimen aýa raıynyń turaqsyz sıpaty kútiledi, kún kúrkirep, ótkinshi jańbyr jaýady. Keı jerlerde jel kúsheıip, shańdy daýyl kóteriledi, respýblıkanyń soltústigi men shyǵysynda keı jerlerde tuman túsedi.

Ońtústik Qazaqstan, kúndiz Jambyl, Qostanaı oblystarynda keı jerlerde jeldiń ekpini 15-20 m/s-qa deıin kúsheıedi.

Mańǵystaý, kúndiz Batys Qazaqstan oblystarynda keı jerlerde jel 15-20 m/s-qa deıin kúsheıip, shańdy daýyl kóteriledi.

Soltústik Qazaqstan oblysynda keı jerlerde jeldiń kúshi 15-20 m/s-qa jetip, túnde jáne tańerteń tuman túsedi.

Shyǵys Qazaqstan oblysynda túnde jáne tańerteń keı jerlerde tumandy bolady.

Kúndiz Aqmola oblysynda, Almaty, Mańǵystaý, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde kúshti ystyq bolady, Atyraý, Batys Qazaqstan, Aqtóbe, Qostanaı oblystarynda kún ystyq, keı jerlerde aptap ystyq bolady.

Respýblıkanyń ońtústiginde, batysynyń keı jerlerinde, soltústik-batysynda, shyǵysynda ońtústik-shyǵysynda jáne ortalyǵynda óte joǵary órt qaýpi saqtalady.

Sonymen birge, taıaýdaǵy táýlikterde respýblıkanyń ońtústigindegi, ońtústik-shyǵysyndaǵy taý ózenderinde sý betiniń qubylýy baıqalady.