Qazaqstan aýmaǵynyń basym bóliginde naızaǵaı jarqyldap, jańbyr jaýady dep kútilýde
ASTANA. 27 tamyz. QazAqparat - QR Qorshaǵan ortany qorǵaý mınıstrliginiń «Qazgıdromet» RMK málimetteri boıynsha, tamyzda Qazaqstan aýmaǵynyń basym bóliginde atmosferalyq aǵyndardyń ótýine baılanysty keı jerlerde naızaǵaı jarqyldap, jańbyr jaýady, jel kúsheıedi, soltústikte burshaq jaýýy múmkin. Tek ońtústikte, ońtústik-shyǵysta - aýa raıy jaýyn-shashynsyz bolady.
Aqmola, Pavlodar, Aqtóbe oblystarynda, kúndiz Shyǵys Qazaqstan, Qaraǵandy, Qostanaı, Batys Qazaqstan, Qyzylorda, Ońtústik Qazaqstan, Jambyl oblystarynda keı jerlerde jel 15-22 m/s-qa kúsheıedi dep kútilýde. Soltústik Qazaqstan oblysynda keı jerlerde tuman túsedi dep kútilýde, 15-20 m/s jel soǵady, burshaq jaýýy múmkin. Qostanaı oblysynda túnde jáne tańerteń keı jerlerde tuman túsedi dep kútilýde.
Respýblıkanyń ońtústiginde, ońtústik-shyǵysynda jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústiginiń, ońtústik-shyǵysynyń jáne shyǵysynyń taýly ózenderinde sý deńgeıi turaqsyz bolady dep kútilýde.
