Qazaqstan aýmaǵynyń basym bóliginde qar jaýyp, burqasyn kóteriledi, jel kúsheıedi, tuman túsedi - 11 qańtardaǵy aýa raıy boljamy
ASTANA. 10 qańtar. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen keı jerlerde qar jaýyp, burqasyn kóteriledi, jel kúsheıedi, tuman túsedi, respýblıkanyń ońtústik-shyǵysynda ǵana burynǵysha kún ashyq bolady.
Bul týraly Qazgıdrometke silteme jasap QR TJM baspasóz qyzmeti habarlady.
Aqmola, Qyzylorda, Qaraǵandy oblystarynda keı jerlerde burqasyn bolyp, jeldiń ekpini 15-20 m/s-ke deıin kúsheıedi.
Almaty oblysynda - keı jerlerde tuman túsedi, Jalańashkól aýdanynda jeldiń kúshi 15-20 m/s-ke jetedi.
Batys Qazaqstan oblysynda keı jerlerde tuman túsýi, kóktaıǵaq bolýy, jeldiń sekýndyna 15-20 metrge deıin kúsheıýi kútiledi.
Jambyl oblysynda keı jerlerde tuman túsedi, jel ekpininiń 15-20 m/s-ke deıin kúsheıýi boljanady.
Mańǵystaý oblysynda keı jerlerde tuman túsedi, kóktaıǵaq bolady.
Aqtóbe oblysynda túnde keı jerlerde burqasyn bolyp, kúndiz - kóktaıǵaqqa aınalady.
Qostanaı oblysynda keı jerlerde - burqasyn, tuman, jeldiń kúshi 15-20 m/s.
Soltústik Qazaqstan, Pavlodar oblystarynda keı jerlerde burqasyn bolyp, jel 15-20 m/s-ke deıin kúsheımek.
Ońtústik Qazaqstan, Atyraý oblystarynda keı jerlerde tuman túsedi.
Shyǵys Qazaqstan oblysynda keı jerlerde jeldiń kúsheıýi, túnde jáne tańerteń jaıaý borasyn júrýi baıqalady.
Taıaýdaǵy táýlikterde Qazaqstannyń sý nysandarynda muz qatýy jalǵasady, respbýlıkanyń ońtústigindegi, ońtústik-shyǵysyndaǵy jáne shyǵysyndaǵy keıbir ózenderde seńniń toqtaýy, sý deńgeıiniń qubylýy múmkin.
