Qazaqstan aýmaǵynyń basym bóliginde burqasyn, tuman, joldarda kóktaıǵaq bolady - 22 qarashaǵa arnalǵan aýa raıy boljamy
ASTANA. 21 qarasha. QazAqparat - 22 qarasha kúni Qazaqstannyń basym aýmaǵy atmosferalyq aǵymdarmen birge tsıklon yqpalynda bolady dep kútiledi, soǵan baılanysty birqatar aımaqtarda burqasyn bolyp, jel kúsheıedi, tuman túsedi.
Qazaqstannyń batys bóligi ǵana antıtsıklonnyń yqpalynda bolyp, munda jaýyn-shashynsyz kún raıy kútiledi, dep habarlaıdy TJM-niń baspasóz qyzmeti Qazgıdrometke silteme jasaı otyryp.
Aqmola oblysynyń keı jerlerinde burqasyn, joldarda kóktaıǵaq bolady, jeldiń jyldamdyǵy 15-20 m/s bolýy yqtımal.
Qostanaı, Soltústik Qazaqstan, Pavlodar, Shyǵys Qazaqstan oblystarynda, kúndiz Qaraǵandy oblysynyń keı jerlerinde 15-20 m/s jyldamdyqpen jel, burqasyn soǵady dep kútilýde.
Jambyl, Ońtústik Qazaqstan, Almaty oblystarynda keıbir jerlerde tuman túsip, jeldiń jyldamdyǵy 15-20 m/s deıin jetedi.
Aldaǵy táýlikte Qazaqstannyń soltústik, soltústik-shyǵys, ortalyq, shyǵysyndaǵy sýlarynda jáne ońtústik-shyǵysyndaǵy jekelegen ózenderde muz qatý úderisi jalǵasady, osyǵan baılanysty respýblıkanyń shyǵysyndaǵy jekelegen ózenderde sý deńgeıi kóterilýi múmkin. Respýblıkanyń ońtústik jáne ońtústik-shyǵysyndaǵy kóptegen ózenderde sý betiniń odan ári salqyndaýy baıqalady.
Shardara sý qoımasynan tolqyndardyń taralýy esebinen Ońtústik Qazaqstan jáne Qyzylorda oblysynyń ońtústigindegi Syrdarııa ózeninde sý deńgeıi kóterilýi múmkin.
