Qazaqstan aýmaǵynyń basym bóliginde aýa raıynyń turaqsyz sıpaty saqtalady
ASTANA. 14 shilde. QazAqparat - QR Qorshaǵan ortany qorǵaý mınıstrliginiń «Qazgıdromet» RMK málimetteri boıynsha, búgin Qazaqstan aýmaǵynyń basym bóliginde burynǵysha aýa raıynyń turaqsyz sıpaty saqtalady, sonyń áserinen naızaǵaı oınap, jańbyr jaýýy kútiledi, burshaq jaýýy, uıtqyǵan jel turýy múmkin.
Respýblıkanyń batysy men ońtústik-batysynda ǵana kún raıy ashyq bolady.
Aqmola, Almaty, Jambyl, Ońtústik Qazaqstan, Qaraǵandy, Shyǵys Qazaqstan, kúndiz Qyzylorda oblystarynda keı jerlerde jeldiń ekpini 15-20 metr/sekýndqa deıin kúsheıedi. Qostanaı, kúndiz Soltústik Qazaqstan, Pavlodar oblystarynda jeldiń kúshi 15-22 m/s-qa jetedi, burshaq jaýýy múmkin. Túnde jáne kúndiz Mańǵystaý oblysynda keı jerlerde tuman túsedi.
Shyǵys Qazaqstan, keı jerlerde Mańǵystaý oblysynda aptap ystyq kútiledi.
Respýblıkanyń soltústik-batysynda, ońtústiginde, ońtústik-shyǵysynda jáne ortalyǵynda keı jerlerde joǵary órt qaýpi saqtaldady.
