Qazaqstan aýmaǵynyń basym bóliginde aýa raıy jaýyn-shashynsyz bolady - 9 qazandaǵy aýa raıy boljamy
ASTANA. 8 qazan. QazAqparat - Qazaqstan aýmaǵynyń basym bóliginde aýa raıy jaýyn-shashynsyz bolady. Bul týraly QR TJM baspasóz qyzmeti Qazgıdrometke silteme jasap habarlady.
Respýblıkanyń soltústiginde, soltústik-batysynda, batysynda jáne shyǵysynda atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi, jekelegen aýdandarda túnde jáne tańerteń tuman túsedi.
Aqmola, Atyraý, Soltústik Qazaqstan, Pavlodar, Qaraǵandy, Shyǵys Qazaqstan, Qostanaı oblystarynda, kúndiz Batys Qazaqstan, Aqtóbe oblystarynyń keı jerlerinde jel 15-20 m/s-qa kúsheıedi dep kútilýde, Qostanaı oblysynyń jekelegen aýdandarynda kóktaıǵaq bolady, al Aqtóbe oblysynda túnde jáne tańerteń keıbir aımaqtarda tuman túsýi yqtımal.
Respýblıkanyń ońtústiginde, ońtústik-shyǵysynyń keı jerlerinde jáne ortalyǵynda joǵary órt qaýpi saqtalady.
Jaqyn táýlikterde respýblıkanyń ońtústigi jáne ońtústik-shyǵysynyń taýly ózenderinde sý deńgeıi turaqsyz bolady, Batys Altaıdyń jekelegen ózenderinde jańbyr jaýýyna baılanysty sý deńgeıiniń kóterilýi baıqalady.
