Qazaqstan aýmaǵynyń basym bóliginde aspan ashyq bolady
NUR-SULTAN. QazAqparat - «Qazgıdromet» 18 qarashada bolatyn aýa raıy boljamyn jarııalady, dep habarlaıdy QazAqparat.
«Qazaqstan aýmaǵynyń basym bóliginde kún jaýyn-shashynsyz, tek respýblıkanyń soltústigi men shyǵysynda qar jaýyp ótýi múmkin. Keı jerlerde jel kúsheıip, tuman túsedi, jaıaý burqasyn bolady, soltústik jáne shyǵys óńirlerde kóktaıǵaq bolady», - delingen habarlamada.
Sınoptıkterdiń aıtýynsha, Aqmola jáne Pavlodar oblystarynyń keı jerlerine tuman túsedi, jaıaý burqasyn bolady, jeldiń jyldamdyǵy 15-20 m/s-qa jetýi múmkin.
Soltústik Qazaqstan, Shyǵys Qazaqstan oblystarynyń keı jerlerinde boran soǵady degen boljam bar. Kóktaıǵaq qatyp, jel sekýndyna 15-20 metrge deıin kúsheıýi múmkin, Soltústik Qazaqstan oblysynyń keı jerlerine tuman túsedi.
Jambyl, Túrkistan, Qyzylorda, Mańǵystaý, Atyraý, Batys Qazaqstan, Aqtóbe, Qostanaı, Qaraǵandy oblystarynyń keı jerlerine tuman túsedi, Qaraǵandy oblysynda kúndiz jáne Jambyl oblysynyń keı jerlerinde jeldiń jyldamdyǵy 15-20 m/s-qa deıin jetedi, Qostanaı oblysynda kóktaıǵaq bolady.
