Qazaqstan aýmaǵyndaǵy keden beketterinde eshqandaı kólik bógelisi joq - Baqyt Tynybekov
ALMATY. 8 maýsym. QazAqparat /Erlik Erjanuly/ - Keden beketinde qujaty bolsa eshkimniń eshqandaı kólikti toqtatýǵa quqy joq. Ondaǵy barlyq materıal avtomatty túrde Almaty men Astanadaǵy Jedel basqarý ortalyǵyna túsip otyrady.
Ony qalalyq kedendik baqylaý departamenti basshylary búgin Almatyda ótken baspasóz máslıhatynda aıtty.
«Eger kólikter túrli sebeppen ózge memleketterde bógeletin bolsa, biz oǵan yqpal ete almaımyz. Bizdiń kinámizden el aýmaǵynda eshqandaı kólik bógelip jatqan joq. Jedel basqarý ortalyǵynda shekaradaǵy barlyq materıal beıne kameralar arqyly baqylanady», - deıdi Almaty qalalyq kedendik baqylaý departamenti bastyǵynyń orynbasary Baqyt Tynysbekov.
Kedendik baqylaýdy uıymdastyrý basqarmasynyń bastyǵy Janat Tanabaev: «Ótken aptada Parlament Májilisiniń depýtattary men jýrnalıster Qorǵas pen Qaljat keden beketterinde bolyp qaıtty. Olar Qazaqstan aýmaǵynda eshqandaı kólik bógelisi joq ekenin óz kózderimen kórdi. Al qoımada ýaqytsha saqtaýda turǵan buǵan deıin qarjy polıtsııasy organdary ustaǵan kólikter», - dedi. Onyń aıtýynsha, jeke tulǵalarǵa kólik ákelýge berilgen jeńildik 1 shildede aıaqtalady. Odan keıin olar kólikti Keden odaǵynyń Biryńǵaı kedendik mólsherlemesi boıynsha rásimdeıtin bolady.
