Qazaqstan aýmaǵyndaǵy barlyq respýblıkalyq joldar ashyq
ASTANA. 5 qańtar. QazAqparat - Búgin Qazaqstan aýmaǵyndaǵy barlyq respýblıkalyq joldar ashyq. Bul týraly «Qazaqavtjol» RMK baspasóz qyzmetinen habarlandy.
Aıta keteıik, keshe keshqurym qatty aıazǵa baılanysty qaýipsizdik maqsatynda Qostanaı, Aqmola, Pavlodar, Qaraǵandy, Shyǵys Qazaqstan oblystaryndaǵy joldarda qoǵamdyq jáne júk kólikteri úshin qozǵalys shektelgen bolatyn.
«Atap aıtqanda dızeldik otynnyń qatyp qalýy saldarynan atalǵan oblystardyń joldarynda turyp qalǵan birqatar avtobýstardyń jolaýshylary men júk kólikteriniń júrgizýshilerin «Qazaqavtojol» fılıaldarynyń qyzmetkerleri qaýipsiz jerge jetkizýge kómek kórsetti. Qazirgi ýaqytta barlyq respýblıkalyq joldarda kólik qozǵalysy jandandy»,-delingen baspasóz qyzmetiniń málimetinde.
