Qazaqstan aýmaǵynda júk tasymaldaýǵa tapsyrys berý, rásimdeý, aqysyn tóleý online arqyly júzege asyrylady
ASTANA. 21 shilde. QazAqparat - «Qazaqstan temir joly» Ulttyq kompanııasy men Qazkommertsbank júk tasymalyna tapsyrys berý salasyna aqparattyq júıelerdi engizý boıynsha jańa ınnovatsııalyq jobany júzege asyra bastady.
Endi Qazaqstan aýmaǵynda júk tasymaldaýǵa tapsyrys berý, rásimdeý, aqysyn tóleýdi online arqyly júzege asyrýǵa bolady. Bul aqparatty atalǵan kompanııanyń baspasóz qyzmetinen habarlady.
Atalǵan joba «Qazaqstan temir joly» ınternet-portaly men oǵan yqpaldastyrylǵan Qazkommertsbanktiń «Onlinebank» baǵdarlamasy negizinde júzege asyrylady. Júk tasymalyna arnalǵan bul jobanyń tanystyrylymy elimizdiń alty qalasynda Qaraǵandy, Atyraý, Aqtóbe, Pavlodar, Óskemen, Shymkent pen Almatyda shilde men tamyz aılarynyń aralyǵynda ótkiziledi.
Eki jaqty birlesken ónimdi tutyný barysynda júk tasymaldaýshylar birqatar basymdylyqtar men múmkindikterge ıe bolady. Atap aıtqanda, tasymaldaýshylardyń ózderi táýliktiń kez-kelgen ýaqytynda júkti jetkizý syzbasyn jasaı alady. Jetkizý merzimi, júktiń túrine qaramastan júk tasymalynyń kez-kelgen túri úshin tapsyrys berip, tólem jasaı alady. Úrdistiń jyldam júzege asýy tutynýshylarǵa ýaqyt únemdeýge, aqparattarǵa jyldam qol jetkizýge múmkindik beredi.
Bunymen qatar, Onlinebank yqpaldasqan baǵdarlamasy tapsyrys berýshilerge kompanııanyń esep-shottaryn yńǵaıly basqarýǵa múmkindik beredi. Mysaly: esep-shotqa túsken qarjydan ustaý arqyly avtomatty túrde qaryzdardy jabýǵa múmkindik bar. Osylaısha kompanııa óziniń bank aldyndaǵy paıyzdyq tólemderin ońtaılandyra alady. Kúndelikti nesıe tólemderin jasaý, nesıe qaryzdaryn maqsatty paıdalanýdy baqylaý boıynsha túrli qaǵaz qujattardy daıyndaý syndy kúndelikti qarjy basqarý jumystaryn tıimdi ete alady.
Sondaı-aq Qazkommertsbank júk tasymalyna tapsyrys berý júıesi aıasynda kásipkerlerge banktik esep-shottarǵa overdraft usyna alady. Buny júk jiberýshiniń esep-shotynda qarjy bolmaǵan jaǵdaıda júzege asyrýǵa bolady.
Onlinebank júıesi tolyqtaı mobıldi jáne qaýipsizdigi sandyq sartıfıkattaý tehnologııasymen jáne elektrondy sandyq qoltańbamen qamtamasyz etilgen. Tutynýshy kompıýteri men Qazkommertsbanktiń serveri arasyndaǵy aqparat almasý, birneshe deńgeıli qorǵaý arqyly júzege asyrylady. Bul júıeni buzýdan saqtaıdy. Sonymen qatar, kirýdiń kóp deńgeıli júıesiniń, lımıt boıynsha shekteýlerdiń bolýy qarjy quraldarynyń qaýipsizdigin joǵary deńgeıde qamtamasyz etedi.
«Temirjol salasyndaǵy qyzmetterdi damytý boıynsha ınnovatsııalyq tásilderdi biz jolaýshylar bıletin online tapsyrys berý, satyp alý jobasyn engizýden bastadyq. Kezek júk tasymalyna jetti. Bul qyzmetti engizýde biz júk tasymalyn ınternet arqyly rásimdeýdi paıdalanyp kelgen elderdiń tájirıbesin de eskerdik. Qazirgi kezde barlyq úrdister testtik synaqtan ótýde. Bizdiń jańa qyzmetimiz bıylǵy jyldyń ekinshi jartysynda qoldanýǵa nıet bildirýshilerdiń barlyǵyna qoljetimdi bolady», - dedi «Qazaqstan temir joly» AQ-nyń aqparattyq tehnologııalar jónindegi basqarýshy dırektory Asan Dosaev.
«Innovatsııalyq banktiń dástúrlerin jalǵastyra otyryp, biz jańa, mańyzdy tapsyrmany -elimizdegi iri kompanııamen aqparattyq júıeni yqpaldastyrýdy qolǵa aldyq. Bul bolashaqta otandyq bızneske kómek qyzmetin kórsetýi tıis», - dep atap ótti Qazkommertsbanktiń atqarýshy dırektory Muhıt Inebekov.
Joba boıynsha birlesken jumystar 2011 jyldyń bas kezinde, «Qazastan temir joly» men Qazkommertsbank arasyndaǵy elektrondy tólem boıynsha, uzaq merizimdi strategııany júzege asyrý aıasynda áriptestik týraly memorandýmǵa qol qoıýdan bastaldy. Bolashaqta ulttyq kompanııa júk tasymaly boıynsha barlyq tapsyrystardy ınternet- portal arqyly qabyldaýǵa kóshirýdi josparlap otyr.
