Qazaqstan aýmaǵynda ýaqytty esepteý máselesine arnalǵan brıfıng ótedi
ASTANA. Naýryzdyń 25-i. QazAqparat /Rýslan Ǵabbasov/ - Erteń, naýryzdyń 26-sy kúni QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetinde Qazaqstan aýmaǵynda ýaqytty esepteý máselesine arnalǵan brıfıng ótedi,
dep habarlaıdy QazAqparat.
2005 jylǵy naýryzdyń 15-indegi Úkimet qaýlysymen saǵat tilin «qysqy» merzimnen «jazǵy» ýaqytqa aýystyrý toqtatylǵan edi. Bul sheshim atalǵan úrdistiń oń jáne teris jaqtaryn zertteýdiń nátıjeleri boıynsha qabyldanǵan bolatyn.
Aıta keteıik, qazirgi qoldanystaǵy ýaqytty esepteý tártibiniń halyqtyń densaýlyǵyna áser etýi turǵysynda qosymsha anketalyq sharalar júrgizilgen. Osy zertteýdiń nátıjeleri erteńgi jıyn barysynda málim bolmaq.
