Qazaqstan aýmaǵynda tuman túsip, kóktaıǵaq bolady, jel kúsheıedi, soltústikten jaıaý borasyn soǵady
ASTANA. QazAqparat - Qazaqstan aýmaǵynda atmosferalyq aǵyndardyń ótýimen keı jerlerde tuman túsip, kóktaıǵaq bolady, jel kúsheıedi, soltústikten jaıaý borasyn soǵady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Respýblıkanyń ońtústiginde, ońtústik-batysynda jáne batysynda ǵana kún raıy ashyq bolady.
Aqmola, Qostanaı oblystarynda keı jerlerde tuman túsedi, kóktaıǵaq bolady, jeldiń kúshi 15-20 m/s-qa jetedi. Soltústik Qazaqstan oblysynyń keı jerlerinde jaıaý burqasyn júredi, tuman túsedi, kóktaıǵaq bolady, jeldiń ekpini 15-20 m/s-qa deıin kúsheıedi. Pavlodar oblysynda keı jerlerde jaıaý burqasyn bolady, tuman túsedi, jel 15-20 m/s-qa deıin kúsheıedi. Shyǵys Qazaqstan oblysynda keı jerlerde tuman túsedi, joldarda kóktaıǵaq bolady, kúndiz jel 15-20 m/s-qa deıin kúsheıedi. Jambyl, Ońtústik Qazaqstan, Qyzylorda, Mańǵystaý, Atyraý, Batys Qazaqstan, Aqtóbe, Qaraǵandy oblystarynda, túnde Almaty oblysynda tuman túsýi kútiledi.
Taıaýdaǵy táýlikterde Ońtústik Qazaqstan jáne Qyzylorda oblystarynyń sheginde Syrdarııa ózeninde sý deńgeıi qubylady. Qazaqstannyń soltústik, shyǵys jáne ortalyq bóligindegi keıbir sý nysandarynda muz qatý úderisi jalǵasady. Respýblıkanyń ońtústigindegi, ońtústik-shyǵysyndaǵy jáne shyǵysyndaǵy ózenderinde gıdrologııalyq rejımde aıtarlyqtaı ózgerister bolmaıdy.
