Qazaqstan aýmaǵynda satylatyn, ekrandarda kórsetiletin fılmder túgel qazaqshaǵa aýdarylady
ASTANA. Qyrkúıektiń 23-i. QazAqparat /Ernur Aqanbaı/ - «Mádenıet» týraly zańnyń fılmge baılanysty bóligine ózgerister engizildi. Zań 2011 jylǵy qańtardyń 1-nen bastap kúshine enedi. Ol boıynsha Qazaqstan aýmaǵyndaǵy dúkenderde satylatyn, ekrandarda kórsetiletin, úıde tamashalýǵa arnalǵan fılmderdiń barlyǵy qazaqshaǵa aýdarylýy tıis. Bul týraly búgin Astanda ótken Mádenıet mınıstrliginiń keńeıtilgen alqa májilisinde mınıstr Muhtar Qul-Muhammed aıtty.
Onyń aıtýynsha, qazaqshaǵa aýdarylmaǵan birde-bir fılm dúken sórelerinde satylmaýy jáne ekrandarda kórsetilmeýi kerek. Osy oraıda M. Qul-Muhammed mınıstrliktiń Mádenıet komıtetine, Qarjy uıymdastyrý jáne quqyqtyq jumys departamentine, Taldaý jáne strategııalyq josparlaý departamentine osy normany iske asyrýǵa qajetti barlyq qujattardy jeltoqsannyń 1-ne deıin daıyndap, Úkimet qaraýyna engizýdi tapsyrdy «Sebebi, kelesi jylǵy qańtardyń 1-nen bastap jańa norma jumys isteıtin bolady», dedi ol.
