Qazaqstan aýmaǵynda saraptamadan ótken dinı kitaptardyń 150-ge jýyǵy teris qorytyndy aldy

ASTANA. 6 maýsym. QazAqparat - Qazaqstan aýmaǵynda saraptamadan ótken 4500 myń dinı kitaptyń 150-ge jýyǵy teris qorytyndy aldy. Al, sońǵy bir aı kóleminde zańsyz dinı ádebıetterdi saýdaǵa túsirgen 3 dúkenge qatysty ákimshilik hattama toltyrylypty. Bul týraly Din isteri jónindegi agenttiginiń mamandary habarlady.

Din isteri agenttiginiń dinı oqý-oryndarymen baılanys jáne dintaný saraptama basqarmasynyń bastyǵy Aınur Ábdirásilqyzy osy turǵyda jıi tekserister júrgizilip turatyndyǵyn jetkizdi. Dintaný saraptamasy bastyǵynyń aıtýynsha, elimizde dinı kitaptardy satýǵa ruqsat berilgen 212 statsıonarlyq oryn belgilengen. Elordada 5 orynda saraptamadan ótken dinı ádebıetterdi satyp alýǵa bolady.

Al, saraptama respýblıkanyń dinı birlestikter týraly zańyna sáıkes 1 aı kóleminde júrgiziledi. Bul rette eń aldymen mazmunyna basty nazar aýdarylady.

«Ekstremısttik ıdeologııalar oryn almaǵan ba, basqa dinderi kemsitetin, ózge din ókilderiniń ashý-yzasyn týǵyzatyn, keri kózqaras týǵyzatyn, alaýyzdyqqa bastaıtyn ıdeıalar joq pa degen máseleler sarapqa salynady»,-dedi basqarma bastyǵy.