Qazaqstan aýmaǵynda radıo jáne telearnalar ýaqytsha óshiriledi
NUR-SULTAN. QazAqparat - Teleradıohabar taratý jelilerinde josparly aldyn alý jumysy júrgiziledi, dep habarlaıdy QazAqparat «Qazteleradıo» AQ resmı saıtyna silteme jasap.
«19 qarasha saǵat 03:00 men 17:00 aralyǵynda jerseriktik, tsıfrlyq jáne analogty efır jelileriniń tehnıkalyq quraldaryndaǵy servıster jabylyp, josparly profılaktıkalyq jumystar júrgiziledi. Osyǵan baılanysty Qazaqstannyń búkil aýmaǵynda teleradıoarnalardy retranslıatsııalaý ýaqytsha toqtatylady» dep eskertedi kompanııa.
«Qazteleradıo» AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly profılaktıkalyq jumys júrgizedi.
Bul jumys teleradıo habaryn sapaly taratýdy qamtamasyz etý úshin qajet, al toqsan saıynǵy josparly profılaktıkalyq jumystar servısti uzaq ýaqyt óshirýge múmkindik beredi.
Sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da júzege asady.
«Ýaqytsha qolaısyzdyqtar úshin keshirim ótinemiz» deıdi kompanııadan.
