Qazaqstan aýmaǵynda órt qaýipsizdigin qamtamasyz etý keshendi jospary ázirlendi

NUR-SULTAN. QazAqparat – Búgin Úkimet otyrysynda QR Tótenshe jaǵdaılar mınıstri ıÝrıı Ilın órt qaýipsizdigin qamtamasyz etýge baǵyttalǵan keshendi jospardy tanystyrdy, dep habarlaıdy QazAqparat tilshisi.

«Memleket basshysynyń tapsyrmasyna sáıkes Tótenshe jaǵdaılar mınıstrligi «2021-2023 jyldarǵa arnalǵan Qazaqstan Respýblıkasy aýmaǵynda órt qaýipsizdigin qamtamasyz etý» keshendi josparyn ázirledi», - dedi mınıstr.

Onyń atap ótýinshe, keshendi josparǵa órt qaýipsizdigi salasyndaǵy normatıvtik-quqyqtyq aktiler men normatıvtik-tehnıkalyq qujattamalar ázirleý jáne qabyldaý is-sharalary kirip otyr. Sonymen qatar qujatta turǵyn úı qoryn jobalaý men salýdyń barlyq kezeńinde órt qaýipsizdigin baqylaýdy engizý máseleleri de kózdelgen. Aqparattyq túsindirý jáne aldyn alý jumystaryn jetildirý de qamtylǵan.

«Buǵan qosa, gaz-tehnıkalyq qyzmetti damytý, gazdy ballonda satý máselelerin zańnamamen retteý de qosyldy. Keshendi jospardyń bul jobasy múddeli memlekettik organdarmen jáne barlyq óńir ákimdikterimen kelisilgen. Degenmen, memlekettik josparlaý qujattaryna talaptardyń ózgerýine baılanysty atalǵan keshendi jospar Jol kartasy formatynda qaıta ázirlendi jáne qaıtadan kelisý protsedýrasynan ótip jatyr», - dedi ıÝrıı Ilın.