Qazaqstan aýmaǵynda «Kúndizgi shekteýsiz» atty jańa tarıf qyzmet ete bastady
ALMATY. 5 qyrkúıek. QazAqparat /Ádilet Musahaev/ - El ishinde «Kúndizgi shekteýsiz» jańa tarıfi qyzmet ete bastady. Endi Activ abonentteri kúnine 50 teńge ǵana tólep, kúndelikti 01.00-18.00 aralyǵynda esh shekteýsiz sóılese alady. Bul jaıynda búgin Almatyda arnaıy ótken baspasóz máslıhaty kezinde GSM Qazaqstan /Kcell uıaly operatory málim etti.
Osylaısha búkil Qazaqstan boıynsha 7 mıllıonnan astam Activ abonenti 5-shi qyrkúıekten bastap naǵyz áńgime-dúken qurýǵa bolatyn saǵattarda mınýt qunyna qapalanbaı sóılese alady. Jańa tarıfpen jeli ishindegi bir saǵat habarlasýdyń ortasha quny endi 3 teńgege de jetpeıdi.
«Biz Kcell jáne Activ abonentteriniń uıaly baılanys qyzmetterin odan da kóbirek paıdalana alýlary úshin bar jaǵdaıdy jasaýǵa tyrysamyz. Sondyqtan bizdiń bıylǵy jylǵy barlyq usynystarymyz eki negizgi jaıtqa baǵyttalǵan. ıAǵnı, sóılesý mınýtynyń ortasha qunyn tómendetý jáne qońyraýlardyń uzaqtyǵyn arttyrý. Strategııamyzdyń eleýli nátıjege ıe bolyp jatqandyǵyn kórýdemiz, óıtkeni jelidegi qyzmetterimizdi tutyný aýqymy udaıy ósýde. Bul degenimiz, uıaly baılanys qyzmetterin paıdalaný múmkindigi barlyq kategorııadaǵy tutynýshylar úshin artyp keletindiginiń birden bir aıǵaǵy», -deıdi GSM Qazaqstan /Kcell marketıng dırektory Kaspýrs Kýkelıs.
Onyń aıtýynsha, tarıftik saıasattaǵy ózgerister sondaı-aq Kcell paıdalanýshylaryna da qatysty, ol jeke tulǵalardy da, korporatıvtik klıentterdi de qamtıdy. Jeke tulǵalar úshin barlyq baǵyttarǵa qandaı da bir qosymsha shartsyz jáne abonenttik tólemsiz QQS esebimen 11 teńge quraıtyn qońyraýlardyń biregeı quny engizilgen. Sonymen qatar osy korporatıvtik klıentterge Kcell korporatıvtik top ishinde aıyna 500 teńge ǵana tólep, tegin sóılesýdiń tamasha múmkindigin usynýda. Solaı bola tura basqa operatorlarǵa qońyraý shalý quny 11 teńgeni quramaq.
