Qazaqstan aýmaǵynda kún jylynady
ASTANA. QazAqparat - 22-23 aqpan kúnderi respýblıkanyń kóptegen oblystarynda antıtsıklon aýa raıyna áser etedi, dep habarlaıdy «Qazgıdromet» RMK.
«Qar men burqasyn týdyrǵan aýa aǵymdary Qazaqstan aýmaǵynan ketedi. Onyń ornyn 22-23 aqpan kúnderi respýblıkanyń kóptegen oblystaryndaǵy aýa raıyna áser etetin antıtsıklon basady.
Qazaqstannyń kóptegen aýmaǵynda aýa raıy jaýyn-shashynsyz ala bultty dep kútilýde. Aýa temperatýrasy 3-6 ºS-qa joǵary bolady», - delingen habarlamada.
