Qazaqstan aýmaǵynda qar jaýady, tuman túsedi, kóktaıǵaq bolyp, burqasyndatyp, jel kúsheıedi - 9 qańtardaǵy aýa raıy boljamy
ASTANA. QazAqparat - Qazaqstan aýmaǵy áli de frontaldy bólikterdiń yqpalynda bolǵandyqtan, jaýyn-shashyn, kóbinde qar jaýýy, tuman túsýi, kóktaıǵaq bolyp, burqasyn kóterilýi, jeldiń kúsheıýi kútiledi, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Aqmola oblysynda burqasyndata soqqan jeldiń kúshi 15-20, keı jerlerde uıtqýy 23 m/s-qa jetedi. Ońtústik Qazaqstan, Jambyl oblystarynyń keı jerlerinde tuman túsip, kóktaıǵaq bolady, burqasyn kóteriledi, jel 15-20 m/s-qa deıin kúsheıip, uıtqýy 23-28 m/s-qa jetedi. Soltústik Qazaqstan oblysynyń keı jerlerinde burqasyndatyp, tuman túsedi, jeldiń kúshi 15-20, keı jerlerde uıtqýy 23-28 m/s-qa jetedi. Pavlodar oblysynyń keı jerlerinde burqasyndy, kóktaıǵaq bolady, jeldiń kúshi 15-20 m/s, kúndiz keı jerlerde jeldiń uıtqýy 23-28 m/s-qa deıin kúsheıedi. Shyǵys Qazaqstan oblysynyń keı jerlerinde burqasyndata soqqan jeldiń kúsheıýi 15-20 m/s, uıtqýy 25-28 m/s-qa deıin kúsheıedi. Qaraǵandy oblysynyń keı jerlerinde tuman túsedi, kóktaıǵaq bolady, jeldiń kúshi 15-20, kúndiz uıtqýy 23 m/s-qa jetedi. Qostanaı oblysynda burqasyn kóterilip, tuman túsedi, jeldiń kúshi 15-20 m/s, túnde jáne tańerteń uıtqýy 23 m/s-qa jetedi. Aqtóbe, kúndiz Batys Qazaqstan oblystarynyń keı jerlerinde jeldiń kúshi 15-20 m/s bolady. Qyzylorda, túnde Mańǵystaý oblystarynyń keı jerlerinde tuman túsedi,, kóktaıǵaq bolady, jel 15-20 m/s-qa deıin kúsheıedi. Almaty oblysynyń keı jerlerinde jel 17-22 m/s kúsheıip, túnde tuman túsedi.
