Qazaqstan aýmaǵynda antıtsıklonnyń áserinen aýa temperatýrasy tómendeıdi - sınoptıkter
ASTANA. 23 aqpan. QazAqparat - Demalys kúnderi, 23-24 aqpanda Qazaqstannyń kóptegen bóligi ortalyǵy Taımyr túbeginde ornalasqan tsıklon qoınaýynyń áserine túsedi, sondyqtan respýblıkadaǵy aýa raıy turaqsyz sıpatta bolady: keıbir jerlerde burqasyny bar qar jaýyp, jel kúsheıedi, batys jáne ońtústik aımaqtarda tuman bolady.
Bul týraly Qazgıdromettiń baspasóz qyzmetinen habarlaıdy.
Dúısenbiden bastap Qazaqstannyń aýmaǵyna soltústik-batystan qaraı ortalyǵy Ýkraına túbinde ornalasqan antıtsıklon kire bastaıdy. Shyǵysqa qaraı bettegen bul antıtsıklon temperatýranyń tómendeýi men jaýyn-shashynnyń toqtaýyna sebepshi bolady. Eldiń soltústik jáne shyǵys aımaqtarynda ǵana tsıklon áserin saqtap qalyp, bul aımaqtardyń keı jerlerinde qar jaýyp, burqasyn bolady, jeldiń kúsheıýi yqtımal.
