Qazaqstan aýmaǵynda 2712 gazet pen jurnal, 250 elektrondyq BAQ, 11 aqparat agenttigi jumys isteıdi
ALMATY. Jeltoqsannyń 7-si. QazAqparat /Erbol Azanbek/ - Búgin Almatyda «Qazaqstandyq BAQ jáne tulǵanyń erkindigi men quqyǵyn qorǵaý» taqyrybynda ǵylymı-tájirıbelik konferentsııa ótti,
dep habarlaıdy QazAqparat.
Konferentsııa barysynda azamattardyń quqyǵy men erkindigin qorǵaýda BAQ róli, jýrnalıster men bıliktiń yqpaldastyǵy, BAQ qyzmetin quqyqtyq qorǵaýdaǵy problemalar, memlekettik organdardaǵy baspasóz hatshylarynyń qyzmeti, jemqorlyqpen kúresti aqparattyq qoldaý máseleleri sóz boldy. Sharany QR Jýrnalıster odaǵy, Ekonomıka jáne quqyq akademııasy, «Frieedom hoose» qoǵamdyq uıymy uıymdastyrdy.
«Búgingi tańda Qazaqstan aýmaǵynda 2712 gazet pen jurnal, 250 elektrondyq BAQ, 11 aqparat agenttigi jumys isteıdi. «QR Mádenıet jáne aqparat mınıstrliginiń negizgi maqsatarynyń biri azamattardyń quqyǵyn qorǵaý men otandyq BAQ-nyń básekege qabilettiligin arttyrý. Zańdylyqtardy saqtaýdy qadaǵalaý, aqparattyq keńistikti ulǵaıtý, BAQ-yn ekonomıkalyq jáne metodologııalyq qoldaý. Sondaı-aq mınıstrlik tarapynan múmkindiginshe BAQ-ynyń quqyǵyn qorǵaý, azamattardyń quqyǵy men erkindigin saqtaýdaǵy BAQ rólin kúsheıtý baǵytynda aıtarlyqtaı jumystar istelýde», deıdi QR MAM Aqparat jáne muraǵat komıteti tóraǵasynyń orynbasary Larısa Brovataıa.
«Azamattardyń zańmen qarastyrylǵan quqyǵy men erkindigi kez-kelgen eldiń negizi bolyp tabylady, al azamattardy qorǵaý memlekettiń negizgi mindetiniń biri. Qazirgi kezde bizde memleketpen azamattardyń quqyǵyn qorǵaý baǵytynda birqatar sharalardyń qarastyrylǵanyna qaramastan, bul saladaǵy jetistikterimiz úlken dep aıta almaımyz. Bul baǵyttaǵy negizgi kemshilik jemqorlyqtyń áseri bolyp otyr», deıdi Ekonomıka jáne quqyq akademııasynyń rektory, professor Serikjan Ospanov.
