Qazaqstan aýmaǵynda 165 uıym ÚEU úshin granttar usynady

ASTANA. QazAqparat - Qazaqstanda 165 uıym ÚEU úshin granttar usynady. Onyń ishinde 53 - halyqaralyq uıym, 31 - sheteldik memlekettik uıymdar, 81 - sheteldik jáne qazaqstandyq ÚEU «Granttar usynatyn halyqaralyq jáne memlekettik uıymdar, sheteldik jáne qazaqstandyq úkimettik emes qoǵamdyq uıymdar men qorlar tizimine» sáıkes jumys júrgizedi, dep habarlaıdy primeminister.kz.

Sonymen qatar, qazaqstandyq úkimettik emes uıymdaryna qarjylyq jáne materıaldyq-tehnıkalyq kómekti atalǵan tizimge enbegen sheteldik memleketterdiń elshilikteri men uıymdary kórsetedi.

Halyqaralyq úkimettik emes uıymdardyń negizgi baǵyttary - bul táýelsiz BAQ-ty qoldaý (11%), ekologııa (9%), azamattyq bilim berý (9%), maqtatty toptardyń quqyqtaryn qorǵaý jáne múddelerin ilgeriletý (9%), tıimdi basqarý salasyndaǵy bastamalar (9%), halyqtyń áleýmettik az qamtylǵan tobyn qorǵaý (9%).

Halyqaralyq úkimettik emes uıymdardyń elimizdegi azamattyq qoǵam ókilderimen yntymaqtastyǵy negizinen Astanada (11%), Almatyda (11%), Almaty oblysynda (11%) jáne Aqmola oblysynda (8%) júrgiziledi. Batys Qazaqstanda (3%), Aqtóbe (3%) jáne Qostanaı oblystarynda eń az yqpaldastyq kórsetkishi baıqalady.