Qazaqstan aýmaǵynan urlanǵan 14 avtokóliktiń turaǵy anyqtaldy - ІІM
ASTANA. Jeltoqsannyń 23-i. QazAqparat - Іshki ister mınıstrliginiń Qylmystyq polıtsııa komıteti jedel-izdestirý sharalarynyń barysynda sheteldik qymbat kólikterdi urlaýmen aınalysyp kelgen transulttyq qylmystyq topty anyqtady.
Mınıstrliktiń baspasóz qyzmetinen habarlaǵandaı, Qazaqstan men Tájikstannyń ishki ister mınıstrlikteri birlesken arnaıy jedel-tergeý toby Qazaqstan aýmaǵynan, atap aıtqanda Astana, Almaty, Pavlodar, Qaraǵandy jáne Atyraý qalalarynan urlanǵan 14 avtokólikti Tájikstannyń aýmaǵynan tapty. Atalǵan kólikterdiń ishinde «Toıota», «Leksýs», «Djeneral motors» markaly 9 djıp kóligi men reseılik óndiristiń 5 «Nıva-Shevrole» kóligi bar.
Qazirgi tańda tekserý-tergeý amaldary júrgizilýde. Sondaı-aq, halyqaralyq kelisimshartqa sáıkes, kólikterdi zańdy ıelerine qaıtarý máselesi de sheshilýde.
