Qazaqstan aýmaǵynan Beıjiń-Almaty-Sankt-Peterbýrg avtosherýi ótedi
ASTANA. QazAqparat - 2018 jyly Halyqaralyq «Jibek joly» rallıiniń (Silk Way Rally) dırektsııasy qazaqstandyq áriptesterimen birlesip, Qazaqstan aýmaǵynan eki iri transulttyq rallı-marafonyn ótkizbek, dep habarlaıdy «SPORTINFORM» SAA.
Aldymen «Jibek joly-2018» halyqaralyq rallı-reıdi júredi. Onyń aıasynda sport tehnıkalary men avtomobılderi Sıan qalasynda start alyp, Qazaqstan aýmaǵynan ótedi. Al ekinshi halyqaralyq iri rallı - Beıjiń-Almaty-Sankt-Peterbýrg avtosherýi 2018 jyldyń qyrkúıeginde ótedi. Onda arnaýly tehnıkalardyń jańa túrleri synaqtan ótedi.
«Jibek joly» rallıiniń dırektsııasy qyrkúıektegi avtosherýdiń baǵdaryn ázirlep jatyr.
Atalǵan jobalar Qazaqstan Respýblıkasy Mádenıet jáne sport mınıstrligi jáne Qazaqstan Respýblıkasy Avtomotosport federatsııasymen yntymaqtastyqta aýqymdy uıymdastyrý-tehnıkalyq jumystaryn oryndaýdy talap etedi. Silk Way Rally dırektsııasy Qaırat Boranbaev basshylyǵynda «Almaly» ABK holdıngimen tyǵyz yntymaqtastyq jasap otyr.
Eske sala keteıik, 2016 jyly transulttyq marafon qatysýshylary «Jibek jolyn» álemdegi eń qıyn jarys dep ataǵan bolatyn. Silk Way Rally baǵdary 2016 jyly da Qazaqstan aýmaǵynan ótip, Qostanaı, Astana, Balqash, Almaty qalalarynda damyldaǵan bolatyn. Al 2017 jyly avtosherý baǵdary Qazaqstannyń Qostanaı, Astana, Semeı, Úrjar qalalarynan ótken.
