Qazaqstan aýmaǵynan adamdardy shyǵaryp jiberý tártibi rettelmek

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine adamdardy Qazaqstan sheginen tys jerge shyǵaryp jiberý kezinde ustaý merzimderin retteý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.

«Іshki ister mınıstrligi málimetinshe, sońǵy eki jyl men bıylǵy segiz aıda Qazaqstan zańnamasy talaptaryn oryndamaǵany úshin el aýmaǵynan 25,5 myń sheteldik shyǵaryldy. Onyń ishinde eki myńǵa jýyǵy sot aktisin oryndamaǵan. Olardyń arasynda ákimshilik ári qylmystyq quqyqbuzýshylyq jasaǵandar bar. Mınnıstrlik aóqparatyna qaraǵanda, atalǵan merzimde Qazaqstanǵan keletin sheteldikter tarapynan (jyl saıyn el aýmaǵyna 6 mıllıonǵa jýyq keledi) 220 myńnan astam ákimshilik quqyq buzýshylyq pen 4 myńǵa jýyq qylmys jasaldy», - dedi Májilis depýtaty Vasılıı Oleınık zań jobasy boıynsha baıandamasynda.

Onyń sózine qaraǵanda, qazirgi kezde 1,3 myńnan astam sheteldik bas bostandyǵynan aıyrý oryndarynda jazasyn ótep jatyr jáne probatsııalyq baqylaýda.

Zań jobasyn qabyldaý mynadaı mindetterdi sheshýge múmkindik beredi:

1) adam quqyqtaryn qorǵaý salasyndaǵy ulttyq zańnamaǵa halyqaralyq standarttardy engizý;

2) Qazaqstan Respýblıkasy Konstıtýtsııalyq Keńesiniń adamdardy (sheteldikter men azamattyǵy joq adamdardy) Qazaqstan Respýblıkasynan tysqary jerlerge shyǵaryp jiberý kezinde ustap alý merzimderin qosymsha zańnamalyq retteý týraly usynystaryn oryndaý, olardy ustap alý jáne keıinnen ishki ister organdarynyń arnaýly mekemelerine ornalastyrý tártibin reglamentteý.

Joǵaryda kórsetilgen mindetterdi iske asyrý azamattardyń, sondaı-aq sheteldikter men azamattyǵy joq adamdardyń bostandyǵyna jáne jeke basyna qolsuǵylmaýshylyǵyna quqyqtardy qorǵaý salasyndaǵy ulttyq zańnamany odan ári jetildirýdi qamtamasyz etedi.