Qazaqstan aýmaǵynan 2,5 myń zańsyz mıgrant óz erikterimen shyqty
«Іshki ister mınıstrligi pandemııa bastalǵan sátten daǵdarysqa qarsy turaqtandyrý, onyń ishinde mıgranttardyń quqyqtaryn qorǵaý is-sharalaryn júrgizdi. Qazaqstanda bolýǵa ruqsat qujattarynyń merzimi ótken sheteldikterdiń quqyqtyq mártebesin anyqtaý nemese olardy úshinshi el arqyly elden shyǵýlaryn uıymdastyrý jumystaryn uıymdastyrdy. ІІM Kóshi-qon qyzmetiniń, shet memleketterdiń ókildikteriniń jáne Halyqaralyq kóshi-qon uıymnyń járdemimen mundaı adamdarǵa ruqsat qujattaryn rásimdeýge kómek kórsetildi», - dedi Nurdildá Oraz.
Onyń dereginshe, jyl basynan beri tólqujattarynyń merzimi ótken 675 sheteldik eline oralý úshin kýálik aldy. Sonymen qatar polıtsııa qyzmetkerleri 2,5 myń zańsyz mıgranttyń el aýmaǵynan óz erikterimen shyǵýyna kómek kórsetti.
«Degenmen, barlyq sheteldik qujattaryn rettemegen nemese Qazaqstan Respýblıkasy aýmaǵynan shyǵyp ketpegen», - dedi resmı ókil.