Qazaqstan aýmaǵyna alkogol ónimin ákelýge ýaqytsha tyıym salynady
ASTANA. QazAqparat - Qazaqstan Respýblıkasy Tutynýshylardyń quqyqtaryn qorǵaý agenttigi 2014 jylǵy 1 maýsymnan bastap Qazaqstan Respýblıkasynyń aýmaǵyna alkogol ónimin ákelýge jáne ótkizýge ýaqytsha tyıym saldy.
Osy shara Italııa, Frantsııa, Shotlandııa, Reseı Federatsııasy, Belarýs Respýblıkasy jáne basqa elderi óndirisiniń: tańbalaýda on segiz jasqa deıingi jastaǵy adamdarǵa qoldanýdy shekteý týraly qarsy kórsetilimderge durys nusqaý berilmeý; tańbalaý kezinde alkogol óniminiń daıyndaýshysynyń nemese ımporttaýshynyń ataýyna, ornalasqan ornyna qatysty aqparattyń bolmaýy; mátininde mazmunymen tanysýǵa múmkindik bolmaıtyn zattańbasyndaǵy zaqymdalǵan tańbalaý jáne naqty tańbalanbaý, sondaı-aq memlekettik tildegi aqparattyń bolmaýy nemese tolyq bolmaýy bóliginde Keden odaǵynyń tehnıkalyq talaptarymen belgilengen talaptar jáne ulttyq zańnama talaptary buzylyp ótkiziletin alkogol óniminiń Qazaqstan Respýblıkasynyń tutynýshylyq naryǵyndaǵy aınalymynyń kóptegen faktorlary anyqtalýyna baılanysty qabyldandy.
