Qazaqstan aýmaǵymen ótetin konteınerlik tasymal kólemi ulǵaıdy
NUR-SULTAN. QazAqparat - Qazaqstan arqyly ótken konteınerlik tasymaldyń jalpy kólemi 54%-ke ósti. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
2019 jyldyń qańtar-naýryz aılarynda Qazaqstan arqyly ótken konteınerlik tasymaldyń jalpy kólemi 114,2 myń JFE-ti qurady jáne ótken jyldyń sáıkes kezeńimen salystyrǵanda 54%-ke joǵarlady (2018 jyldyń qańtar-naýryzynda 74,2 myń JFE).
QHR-EO-QHR baǵyty boıynsha bul kórsetkish 62,7 myń JFE-ti qurady jáne ótken jyldyń sáıkes kezeńimen salystyrǵanda 54%-ke ósti.
Avtomobıl kóligimen tasymaldanǵan tranzıtti tasymal kólemi 392 myń tonnany qurady jáne ótken jyldyń sáıkes kezeńimen salystyrǵanda 18%-ke ósti (2018 jyldyń qańtar-naýryzynda 332 myń tonna).
Qazaqstan aýmaǵy arqyly ótken tranzıtti tasymaldyń jalpy kólemi 4,16 mln tonnany qurady.
Temir jol kóligimen tasymaldanǵan tranzıtti tasymal kólemi 3,77 mln tonnany qurady.
