Qazaqstan aýmaǵy arqyly tranzıtteletin taýarlar el aýmaǵynda qalyp, shetelge qum salynǵan qaptar ótkizilip kelgen

ASTANA. 23 qańtar. QazAqparat - Qazaqstan aýmaǵy arqyly tranzıtteletin taýarlar el aýmaǵynda qalyp, shetelge qum salynǵan qaptar ótkizilip kelgen.

Bul týraly búgin brıfıng barysynda QR QM Kedendik baqylaý komıtetiniń bólim bastyǵy Erden Juma málim etti.

«Sońǵy ýaqytta kontrabandanyń jıi qoldanatyn tásili «jalǵan tranzıt» bolyp otyr. ıAǵnı sheteldik taýarlar Keden odaǵynyń kedendik aýmaǵy arqyly tranzıtpen tasymaldana otyryp, kedendik rásimdeýsiz, zańsyz qalyp qoıady», - deıdi ol.

Onyń atap ótýinshe, máselen, taýarlar deklaratsııada Túrkııadan jáne basqa da memleketterden Qazaqstan aýmaǵy arqyly Qyrǵyzstanǵa ótedi dep kórsetilgen. Alaıda, bul taýarlar Qazaqstan Respýblıkasynyń aýmaǵynda qalyp, Qyrǵyzstanǵa qum men buryn paıdalanylǵan taýarlar ótkizilip kelgen.

«Ótken jyly «jalǵan tranzıttiń» 47 faktisi anyqtalyp, olar boıynsha 21 qylmystyq is qozǵaldy», - dedi E.Juma.