Qazaqstan aýmaǵynda ıgerýge jaramdy 4,26 mlrd tonna munaı qory bar
ASTANA. KAZINFORM — Energetıka vıtse-mınıstri Erlan Aqbarov ortalyq kommýnıkatsııalar qyzmetinde ótken baspasóz máslıhatynda eldegi tabıǵı gaz ben munaıǵa ilespe gazdyń qoryn atady.
— 2025 jylǵy 1 qańtardaǵy jaǵdaı boıynsha Qazaqstan Respýblıkasynyń alynatyn munaı balanstyq qorlary 4 mlrd 262 mln 584,2 myń tonna bolady, onyń ishinde A+V+S1 — 2 sanaty 850 mln 177,3 myń tonna, S2 — 1 sanaty 412 mln 407,0 myń tonna. Balanstan tys qorlar — 167 mln 150myń tonna, — dedi ol.
Mundaǵy vıtse-mınıstrdiń «alynatyn balanstyq qor» dep otyrǵany — óndirýge bolatyny dáleldengen qordyń kólemi. Al balanstan tys qor degeni — ázirge ıgerý ekonomıkalyq nemese tehnologııalyq turǵydan tıimsiz qor.
— Bos gazdyń (tabıǵı gaz) alynatyn balanstyq qorlary 1 trln 716 mlrd 39,5 mln tekshe metr jáne balanstan tys qorlary 88 mlrd 598 mln tekshe metri qor esepke alyndy. Balanstyq qorlary alynatyn 259 ken orny boıynsha erigen gaz (munaıǵa ilespe suıytylǵan gaz) 2 trln 74 mln 746,4 mln tekshe metr qor esepke alyndy, — dedi Erlan Aqbarov.
Energetıka mınıstrliginiń resmı málimetin súıensek, Qazaqstan byltyr 99,55 mln tonna munaı óndirip, 78,7 mln tonna «qara altyn» eksporttaǵan.
