Qazaqstan aýmaǵynda avtomattandyrylǵan ólsheý júıeleriniń sany artady

ASTANA. KAZINFORM — QR Kólik mınıstrligi elordanyń negizgi kireberisterinde aýyr júk kólikteriniń salmaǵyn ólsheıtin avtomattandyrylǵan júıege qatysty túsinik berdi.

Жүк көліктері
Фото: Мақсат Шағырбаев/ Kazinform

- 2024 jyldyń qyrkúıek aıynan bastap avtomattandyrylǵan ólsheý stantsııalarynyń (budan ári - AÓS) kórsetkishteri negizinde quqyq buzýshylardyń atyna 740-qa jýyq aıyppul tóleý qajettiligi týraly nusqama joldandy, - delingen mınıstrliktiń Kazinform agenttigine bergen jaýabynda.

Sonymen qatar, QR Premer-Mınıstriniń tapsyrmasyn oryndaý maqsatynda 2025 jyldyń sońyna deıin Qazaqstan Respýblıkasy aýmaǵynda jergilikti atqarýshy organdar 150 avtomattandyrylǵan ólsheý stantsııalaryn, al «QazAvtoJol» UQ» AQ 70 AÓS-ti ornalastyrýdy josparlap otyr.

Budan buryn habarlanǵandaı, bıyl qyrkúıek aıynda Astana qalasyna negizgi kireberis joldarda avtomattandyrylǵan ólsheý júıesi iske qosyldy. Elorda aýmaǵynda qazir 7 ólsheý júıesi ornatylǵan.

Byltyr 4 jeltoqsannan elordaǵa negizgi kireberis joldarda júk kólikterin avtomattandyrylǵan tártipte ólsheý júıesi «Sergek» qaǵıdaty boıynsha jumys isteıdi.

Сейчас читают