Qazaqstan aýmaǵyna jumyrtqa ákelýge ýaqytsha tyıym salyndy
ASTANA. KAZINFORM - Aýyl sharýashylyǵy mınıstrligi bir aı merzim ishinde Qazaqstanǵa jumyrtqa ákelýge tyıym salynǵanyn habarlady.
«Qazaqstan Respýblıkasynyń aýmaǵyna taýyq jumyrtqalaryn ákelýge tyıym salýdy engizý týraly» Qazaqstan Respýblıkasy Aýyl sharýashylyǵy mınıstriniń 2025 jylǵy 5 jeltoqsandaǵy № 447 buıryǵymen Qazaqstan Respýblıkasynyń aýmaǵyna Qazaqstan Respýblıkasynyń aýmaǵyna barlyq kólik túrlerimen úshinshi elderden jáne Eýrazııalyq ekonomıkalyq odaq elderinen taýyq jumyrtqalaryn (SEQ TN: 040721) ákelýge 1 aı merzimge ýaqytsha tyıym salyndy.
Aıta ketý kerek, tyıym Qazaqstan aýmaǵy arqyly taýyq jumyrtqalarynyń tranzıtin, sondaı-aq olardyń Eýrazııalyq ekonomıkalyq odaqqa múshe bir memlekettiń aýmaǵynan Eýrazııalyq ekonomıkalyq odaqqa múshe ekinshi memlekettiń aýmaǵyna Qazaqstan Respýblıkasynyń aýmaǵy arqyly ótýine qatysty qoldanylmaıdy.
Taǵamdyq jumyrtqa ımportyna ýaqytsha tyıym otandyq taýar óndirýshilerdi qoldaý maqsatynda engizildi.
Buıryq 2025 jylǵy 11 jeltoqsanda kúshine endi.
Buǵan deıin elde jumyrtqa, sary maı, et, sút arzandaǵanyn jazǵan bolatynbyz.