17:26, 15 Mamyr 2025 | GMT +5
Qazaqstan aýyr atletıkadan Azııa chempıonatyn eki medalmen aıaqtady
ASTANA. KAZINFORM – Qazaqstan quramasy aýyr atletıkadan Qytaıdyń Tszıanshan qalasynda ótken Azııa chempıonatynda óner kórsetýin aıaqtady.
QR UOK málimetinshe, komanda jarys qorytyndysy boıynsha eki medal jeńip aldy. Alaıda bul joly qazaqstandyq aýyr atletter jeńis tuǵyrynyń eń bıik satysyna kóterile alǵan joq.
73 kelige deıingi salmaq dárejesinde Petr Hrebtov qola medal ıelense, 102 kelige deıingi salmaqta álem chempıony Artem Antropov kúmis júldege qol jetkizdi.
Al Egor Sherer (89 kelige deıin) men Lıýbov Kovalchýk (87 keliden joǵary) júldege bir qadam jetpeı qaldy.
Qytaıdyń Tszıanshan qalasynda ótip jatqan aýyr atletıkadan Azııa chempıonatynda qazaqstandyq Artem Antropov (102 keli) kúmis medaldi jeńip alǵanyn jazǵan bolatynbyz.