Qazaqstan aýyl sharýashylyǵynda qansha sý tutynyp otyr
Sý resýrstary jáne ırrıgatsııa mınıstri Nurjan Nurjigitov aýyl sharýashylyǵy maqsatynda tutynylatyn sýdyń jyldyq kólemin atady, dep habarlaıdy Kazinform.
«Jalpy bir jyldyń ishinde 100 tekshe shaqyrym nemese 100 mlrd tekshe metr sý paıda bolady. Sonyń 55 paıyzy Qazaqstannyń aýmaǵynda qalyptasady. Sol sýdyń 25 paıyzyn ózimiz paıdalanamyz. Onyń ishinde aýyl sharýashylyǵynda 15 tekshe shaqyrym, óndiris mekemelerinde 5-6 tekshe shaqyrym paıdalanylady», – dedi mınıstr BAQ ókilderimen ótken brıfıngide.
Sondaı-aq ol ózi basqaratyn jańa mınıstrlik jerasty sýlaryn ıgerýge basymdyq beretinin atady.
«Búgingi tańda jer astynda 15 tekshe shaqyrym sý bar ekenin dáleldengen. Sondyqtan, osy sandarǵa súıenip sý bar dep aıtýǵa bolady. Biraq ásirese jer astyndaǵy sýdy paıdalaný máselesi mınıstrliktiń negizgi baǵyttarynyń biri bolady. Ony qalaı paıdalanatynymyzdy qarastyryp jatyrmyz», – dedi Nurjan Nurjigitov.
