Qazaqstan Aýǵanstannan berılıı ımporttaýy múmkin

ASTANA. KAZINFORM — «QazAtomÓnerkásip» ulttyq atom kompanııasynyń basqarma tóraǵasy Meıirjan ıÝsýpov Qazaqstan Aýǵanstannan berılıı shıkizatyn ımporttaýy múmkin ekenin málim etti. 

— Biz shıkizat qoryn tolyqtyrý máselesinde Qazaqstanda ǵana shoǵyrlanbaı, ártaraptanýǵa talpynyp jatyrmyz. Atom energetıkasy salasyna qajetti sırek metaldar ımporttaý turǵysynan Tájikstan, Aýǵanstan, Afrıka elderimen baılanys ornatyp bastadyq.

Biraq onyń bári 1-2 jyldyń ishinde bola salady degen sóz emes, birte-birte keledi. Aýǵanstannan berılıı shıkizatyn alyp kelý múmkindikterin talqylap jatyrmyz. Naqty kólemin qazir aıtý múmkin emes. Ótkende bir ret ózim baryp kórip qaıttym. Odan keıin basqa da mamandar arnaıy delegatsııamen baryp qaıtty. Ol elde bizge qajetti qosymsha berılıımen qamtamasyz ete alatyn kólem bar ekenine kózimiz jetip otyr, — deıdi ol.

Ulttyq kompanııa basshysy Qazaqstannyń ózinde de berılııdiń qosymsha kózi bar ekenin aıtady.

— Odan bólek Tájikstanmen baılanys ornattyq. Tájikstanda qazir zerthanalyq taldaýlar jasap jatyrmyz. Al Rýandamen kelisimniń qaı deńgeıde ekenin kesheden beri ózderińiz de jazyp jatyrsyzdar.

Negizi óz aýmaǵymyzda Nuratal, Qarajal sııaqty berılıı kenishteri bar. Biraq olardy qashan bolsa da ıgerip úlgeremiz. Sondyqtan ártaraptanýǵa talpynyp otyrmyz, — dedi Meıirjan ıÝsýpov.

Buǵan deıin Qazaqstan Rýandadan berılıı kontsentratyn satyp alýdy kózdep otyrǵanyn jazǵan edik.