Qazaqstan Aýǵanstanǵa taýyq jumyrtqasyn eksporttady

ASTANA. QazAqparat - «Azyq-túlik kelisim shart korporatsııasy» AQ Agroónerkásip kesheniniń eksporttyq ortalyǵy (Eksporttyq ortalyq) Aýǵanstanǵa taýyq jumyrtqalaryn jetkizý boıynsha eksporttyq kelisim sharttardy qoldaý qyzmetterin kórsetý úshin qazaqstandyq «Hasıb kýnaıv» kompanııasymen shartqa otyrdy, dep habarlaıdy QazAqparat kompanııanyń baspasóz qyzmetine silteme jasap.

Jasalǵan shart boıynsha kompanııanyń suranysymen eksportty uıymdastyrý maqsatynda Eksporttyq ortalyq taýyq jumyrtqasyn eksportqa shyǵarýǵa múddeli qazaqstandyq qus fabrıkalaryna, kólik kompanııalaryna, sondaı-aq keden ókilderine izdestirý júrgizdi jáne usyndy. Budan basqa, eksporttyq kedendik baj men alymdardyń áreketteri men qoldanylýy, veterınarlyq-sanıtarlyq qadaǵalaýdyń baqylaýyndaǵy ónimderdi eksporttaýdy rásimdeý týraly túsindirme aqparat berildi.

Búgingi tańda «Hasıb kýnaıv» JShS Almaty oblysynan Aýǵanstan Islam Respýblıkasyna 16,8 tonna (288 myń) taýyq jumyrtqasynyń alǵashqy partııasyn eksporttady. Jyldyń aıaǵyna deıin kompanııa Qaraǵandy oblysynan 67 tonna jumyrtqany jóneltýdi josparlap otyr. 2018 jyly 7 000 tonna eksporttaý josparlanyp otyr.

Aıta keterligi, Eksporttyq ortalyq AÓK damytýdyń memlekettik baǵdarlamasyna sáıkes «Azyq-túlik kelisim shart korporatsııasy» UK» AQ bazasynda quryldy.