Qazaqstan Aýǵanstanǵa gýmanıtarlyq kómek kórsetti

QABYL. QazAqparat – Qazaqstan tarapy Aýǵanstannyń sý tasqynynan zardap shekken provıntsııalaryna gýmanıtarlyq kómek kórsetti, dep habarlaıdy QazAqparat tilshisi.

QR Syrtqy ister mınıstrliginen málim etkendeı, búgin Qazaqstannyń Aýǵanstandaǵy Elshisi Álimhan Esengeldıev Qabyl provıntsııasynyń turǵyndaryna gýmanıtarlyq kómekti tapsyrý rásimine qatysty. Un, makaron ónimderi, kúnbaǵys maıy jáne qoıýlatylǵan sútten turatyn azyq-túlik 5 myńnan astam muqtaj otbasyna beriletin bolady.

«Іs-sharaǵa qatysqan Qabyl provıntsııasynyń gýbernatory Mohammad ıAkýb Haıdarı jáne AIR Tótenshe jaǵdaılar jónindegi agenttiginiń tóraǵasy Gýlam Bahaýddın Jılanı Aýǵanstan Úkimeti men halqynyń atynan qıyn kezeńde kórsetilgen kómek pen qoldaý úshin rızashylyqtaryn bildirdi.

Elshi óz kezeginde Qazaqstannyń Aýǵanstanǵa dostas qarym-qatynasyn atap ótti. Sonymen qatar, elimiz osy kúrdeli jaǵdaıda óńir elderine, sonyń ishinde Aýǵanstanǵa jan-jaqty qoldaý kórsetip otyrǵanyn atap ótti», - delingen aqparatta.

Málim etilgendeı, Qazaqstannyń gýmanıtarlyq kómegi sýdan zardap shekken 8 provıntsııada taratyldy. Azyq-túlik Qabyldan basqa, Balh, Parvan, Pandjsher, Logar, Vardak, Baǵlan jáne Samangan provıntsııalaryna jetkizildi.