Qazaqstan Aýǵanstanǵa gýmanıtarlyq kómek jáne qutqarýshylardy jiberedi
Memleket basshysy Qasym-Jomart Toqaevtyń tapsyrmasyna sáıkes Qazaqstan Respýblıkasy Aýǵanstanǵa gýmanıtarlyq kómek kórsetedi. Bul másele Úkimettik komıssııanyń otyrysynda talqylandy, dep habarlaıdy QazAqparat Úkimetke siltememen.
Gýmanıtarlyq kómek azyq-túlik taýarlary, shatyr, dári-dármek, kıim-keshek jáne basqa da qajetti zattardan turady.
Júk jaqyn arada áýe jáne temirjol kóligimen jóneltiledi.
Sonymen qatar Aýǵanstanǵa úıindi astynda qalǵan adamdardy qutqarý úshin TJM qutqarýshylary, sonyń ishinde kınolog mamandar jiberiledi.
Qazaqstan bıylǵy 7 qazanda Gerat provıntsııasynda bolǵan joıqyn jer silkinisiniń saldaryn joıý maqsatynda Aýǵanstanǵa qoldaý kórsetedi.
Eske sala keteıik, biz buǵan deıin Aýǵanstandaǵy alapat jer silkinisinen 2053 adam qaza tapqanyn habarlaǵan edik.
